2020 јыл 366 кӱндӱ учун "високосный јыл" деп чотолот. Орус албатыныҥ кӧрӱм-турумыла – мындый јылда јастыралары, јамандары кӧп јыл болор. 2020 јыл туузыларына јетире эмди де бир ай арткан болзо, оныҥ оору-јоболду, оҥдошпосторлу айалгалары эмди де јарт кӧрӱнет...

*****

COVID-19 деп адалган коронавирусный инфекция 2019 јылдыҥ јаҥар айында Китайский Народный Республиканыҥ Хубей провинциязыныҥ Ухань калазында башталган. 2020 јылдыҥ кӱчӱрген айыныҥ 22-чи кӱнинде телекейде COVID-19 короновирусла 190 ороонныҥ 58 миллион 649 муҥ 890 кижизи оорыган. Олордоҥ 19 миллион 774 муҥ 911 кижи тыҥыда, "активный фаза" деген кеминде оорыгандар. Југуш оорудаҥ божогон улустыҥ тоозы – 1 миллион 388 муҥ 074 кижи, јазылган улустыҥ тоозы – 37 миллион 486 муҥ 905 кижи.

Бу тоолорды ороондор сайын кӧрзӧбис, кӱчӱрген айдыҥ 23-чи кӱнинде эҥ кӧп улус оорыган беш ороонго США (оорыгандары – 12 миллион 88 муҥ 410 кижи; калганчы кӱнде кожулгандары – 177 муҥ 552 кижи; божогондоры – 255 муҥ 861 кижи); Индия (оорыгандары – 9 миллион 95 муҥ 806 кижи; калганчы кӱнде кожулгандары – 45 муҥ 209 кижи; божогондоры – 133 муҥ 227 кижи); Бразилия (оорыгандары – 6 миллион 52 муҥ 786 кижи; калганчы кӱнде кожулгандары – 32 муҥ 622 кижи; божогондоры – 168 муҥ 989 кижи); Франция (оорыгандары – 2 миллион 178 муҥ 23 кижи; калганчы кӱнде кожулгандары – 17 муҥ 680 кижи; божогондоры – 48 муҥ 593 кижи); Россия (оорыгандары – 2 миллион 47 муҥ 563 кижи; калганчы кӱнде кожулгандары – 17 муҥ 680 кижи; божогондоры – 24 муҥ 538 кижи) киредилер. Мексикада, Колумбияда, Аргентинада, Италияда, Великобританияда ла Испанияда коронавирусла оорыган улустыҥ тоозы 1 миллион кижидеҥ ажа бергендер. XXI чактыҥ јаман тымузы табылган Китайды алзабыс, ол коронавирустаҥ сӱреен тӱрген јазылган. Кӱчӱрген айдыҥ 23-чи кӱнинде Китайдыҥ Албаты Республиказында коронавирусла оорыган улустыҥ текши тоозы – 93 муҥ 37 кижи болгон; кожулып турган улустар јӱк гран ары јанынаҥ келедилер; божогон улустыҥ тоозы – 4 муҥ 742 кижи болгон. Бу ла кӱнде бисле кыйулажып турган Монголияда коронавирусла оорыган улустыҥ текши тоозы 608 ле кижи болгон; калганчы кӱнде кожулгандары – 30 кижи; божогондоры – 0 кижи болгондор. Ӱлӱрген айдыҥ 30-чы кӱнинде Моҥол башкару Алтай ла Тыва республикалар колболгон "Тошоҥты – Чагаан-Нур" ла "Хандагайты – Боршо" погран пункттарды Россиядаҥ барган шоферлордыҥ ортозынаҥ коронавирусла оору улус табылганы учун јаап койгон.
Кӱчӱрген айдыҥ бажында ВОЗ (Всемирная организация здравоохранения) телекейде COVID-19-ты јазар 47 вакцинаныҥ регистрациязын ӧткӱрген. Бу вакциналар телекейлик стандарттарла тындуларга тургузып турган "доклиническое тестирование", баштапкы доброволецтерге тургузып турган "фаза №1", јӱстер тоолу улуска, ол тоодо балдарга ла каргандарга тургузып турган "фаза №2", муҥдар тоолу улуска тургузып турган "фаза №3" деген фазаларды ӧдӧр учурлу. Кӱчӱрген айдыҥ 18-чы кӱнинде ВОЗ-тыҥ стандартыныҥ 3-чи фазазын ӧдӧргӧ јаткан вакциналу американский фармацевтический компания Pfizer, Россия Федерациязынаҥ Гамалейдиҥ тӧс јери ле инновационный компания Moderna јазап турган BNT162b2, "Спутник V" ла mRNA-1273 вакциналары коронавирустаҥ 90, 92 ле 94.5 проценттерге корулагылайт деп јетиргендер. Бу сӱреен талдама кӧргӱзӱлер, бӱгӱн телекейдиҥ кӧп ороондоры коронавирустаҥ 50 де процентке корулап турган вакцинаны јаан акчаларга садып аларга белен.
Алтай Республикада коронавирусла тартыжары коомой айалгада болгонын бу оорудаҥ кӧп улус божогоны керелейт. Темдектезе, кыска ла ӧйгӧ албаты ортодо ады-јолдоры јарлу поэт Паслей Самык, ӱредӱчи Юлия Сакашева, билимчи Андрей Макошев, эмчи Николай Туденев, культураныҥ ишчизи Константин Малчиев божодылар. Республикан јаҥдар ла медицина талдама иштеген болзо, бу улус божобогодый болгон. Кӧп јиит те улус божогоны карам. Калганчы алты кӱнге коронавирустаҥ обследование ӧткӱрилгенин шиҥдезебис, олордыҥ тоозы кӧптӧӧрдиҥ ордына астап јат: 588, 715, 784, 846, 925, 932. Нениҥ учун мынайда болот?.. Кӱчӱрген айдыҥ 23-чи кӱнинде јетирӱлик агентство ТАСС "Представители Росздравнадзора начали выездную внеплановую проверку Минздрава Республики Алтай, чтобы выработать меры для снижения темпов распространения коронавируса. Ранее Росздравнадзор сообщал, что в регионе выявлен ряд проблем, связанных с оказанием помощи жителям региона, у которых диагностирован коронавирус. По данным на 13 ноября, ведомство сообщало о приросте больных, дефиците медиков, длительности анализов ПЦР на коронавирусную инфекцию, задержках выдачи распоряжений Роспотребнадзора о самоизоляции контактных граждан. Также отмечались проблемы в обеспеченности лабораторий реагентами и расходниками, отсутствие амбулаторного КТ-центра и передвижного томографа, транспорта для вызовов" деп јетирет.

*****

Кӱчӱрген айдыҥ 21-чи кӱнинде Хабаровск калада Хабаровский крайдыҥ губернаторы болгон Сергей Фургалды Москвадагы тӱрмедеҥ чыгарарын ла Хабаровскто јаргылаарын некеген митинг јирмезинчи суббот сайын ӧткӱрилген. Текшилей алза, Хабаровский крайдагы удурлажу акциялар јаан изӱ айдыҥ 11-чи кӱнинде башталып, текши тооло 134-чи кӱн улалат. 134 кӱн эмезе 20 неделе митингке чыккан улус "Я/Мы Фургал", "Свободу Фургалу!", "Честный суд в Хабаровске!", "Мы здесь власть!", "Пока мы едины – мы непобедимы!", "Дегтярев, уходи!", "Чемодан – вокзал – Самара!", "Дегтярев, в баню!", "Долой царя", "Россия, просыпайся", "Путина в отставку", "Путин – вор", "ЕдРо – помойное ведро", "Путин, выпей чаю, Хабаровск угощает", "Долой путинский беспредел", "Двадцать лет – доверия нет", "Это наш край", "Нам нельзя бояться" деген лозунгтарлу чыгат. Ӱлӱрген айдыҥ 10-чы кӱнинде болгон ээчий митингте јербойыныҥ Росгвардиязы митингчилерди дубинкаларыла токпоктоп, 25 кижини арестовайтагылаган болгон. Бу ла кӱн, бу ла митингте МВД-ныҥ алдындагы сотрудниктери, офицерлер Роман Тихомиров ло Владимир Куликов "Росгвардия упала ниже плинтуса. Избивать женщин – это фашизм в чистом его виде" деп айдыжып, баштапкызы МВД-ныҥ министри берген быйанду самараны, экинчизи јуучыл кайралдарын митингчилердиҥ кӧзинче таштагылап ийгендер. Мыныҥ кийнинде болгон ээчий удурлажу акцияларда Росгвардия да, ӧскӧ дӧ силовиктер митингчилерди токпоктобогондор. Кӱчӱрген айдыҥ 4-чи кӱнинде Хабаровскто болгон ээчий митингте Сергей Фургалды тӱрмедеҥ домашний арестке чыгарзын ла ачык јаргыны Хабаровскто ӧткӱрзин деген некелтелерлӱ баштануларга кол салары башталган. Кийнинде хабаровчандардыҥ бу акциязын Интернет ажыра бастыра Россия Федерациязында јӧмӧп баштагандар.
Президенттиҥ администрациязы да, президент бойы да Хабаровскто болуп турган керектерге эмдиге јетире ајару этпейдилер. Сергей Фургалдыҥ ордына удурум губернатор эдип ийген Михаил Дегтяревтыҥ адаанын база албайдылар. Мындый айалгада ого бойын бойы корыырга келижет. Темдектезе, бу јуукта крайдыҥ Башкарузы удурум губернаторды тӱни-тӱжи корулаарына 7 (јети) охранник керек деген тендер јарлаган. 33 миллион 100 муҥ салковой акчага турар тендерди "Управление вневедомственной охраны войск национальной гвардии РФ по Хабаровскому краю" деп адалган организация јеҥип алган.
Јаан изӱ айдыҥ 10-чы кӱнинде федерал ФСБ-ныҥ ла Следственный комитеттиҥ ишчилери 2004-2005 јылдарда конкурент аргачыларды ӧлтӱрткен ле ӧлтӱртерге сананган деп бурулап, Москваныҥ Лефортово тӱрмезине сугуп койгон Сергей Фургал баштапкы ла Басманный јаргыда "С первого дня своего ареста считал и считаю, что это дело политическое с целью устранения меня как политического деятеля… Следователь требовал от меня признать вину, дал мне понять, что если не признаю вину, к уголовной ответственности будут привлечены моя бывшая супруга и старшая дочь" деп айткан. Кӱчӱрген айдыҥ 18-чи кӱнинде шылучызыныҥ јарадузыла Сергей Фургал компьютерный томография ӧдӧрдӧ, оныҥ келтей ӧкпӧзи оору болгоны јарталган. Московский общественный наблюдательный комиссияныҥ турчызы Ева Меркачева "Он был рад, что это все же случилось, поскольку врачи ему рекомендовали пройти процедуру еще до конца августа. Результаты КТ показали патологические изменения в одном из легких, свидетельствующие о заболевании. Динамика этой болезни неизвестна. Врачи не могут назвать однозначную причину процесса – для этого необходимо серьезное обследование" деп јетирген.

****
Кӱчӱрген айдыҥ 22-чи кӱнинде Белоруссияда ороонды 26 јыл башкарган Александр Лукашенконы јаҥнаҥ барзын деген некелтелӱ удурлажу акциялар 15-чи воскресен сайын ӧткӱрилген, 205 митингчи арестовайтаткан. Удурлажу башталарда ла акциялардыҥ активисттери 1918 јылда Белорусский Народный Республиканыҥ ла 1990-1995 јылдарда јайым Белоруссияныҥ окылу маанызы болгон ак-кызыл-ак ӧҥдӱ маанызын баш темдеги эттире алып, "Координационный совет по организации процесса преодоления политического кризиса" деп адалган биригӱ тӧзӧп, окылу јаҥдарла куучын-эрмек ӧткӱрип, ӧмӧ-јӧмӧ шӱӱжип, эп-јӧпкӧ келерге санангандар. Је Александр Лукашенко олорло бир куучынга. бирлик шӱӱжӱге келеринеҥ мойноп, митингтерди токтодорго силовой структураларды тузаланып баштаарда, Белоруссияда ӱч айдыҥҥ туркунына митингчилердеҥ 13 муҥ кижи арестовайтаткан, 4 кижи ӧлтӱрткен, 76 кижи сурузы јок јылыйган, 700 митингчи ле 140 силовик сынык-бычык алгандар. Оппозицияныҥ Координационный соведи текши тооло 5 муҥ кижидеҥ турган ла оныҥ президиумына 7 кижи кирген. Александр Лукашенко президиумныҥ турчыларыныҥ јарымын ороонноҥ сӱрӱп ийген, сӱрӱп болбогондорын тӱрмеге отургызып койгон. Темдектезе, Координационный советтиҥ президиумыныҥ турчызын Мария Колесникованы КГБ-ныҥ ишчилери сыгын айдыҥ 8-чи кӱнинде Украина јаар албан-кӱчле аткарарга јадарда, ол заграничный паспортын јырткан. Паспорт јок кижини заграница ийер арга јок болордо, тӱрмеге отургызып койгондор. Бӱгӱн Белоруссияда Координационный совет ле оныҥ президиумыныҥ ордына 50 кире кижи иштейт, је олорды Александр Лукашенко истебезин, ороонноҥ сӱрбезин, тӱрмеге отургыспазын деп олордыҥ ады-јолдорын јарлабайдылар.
Александр Лукашенконы јаҥнаҥ барзын деген акциялар текшилей алза, кӱӱк айда башталган. Куран айдыҥ 9-чы кӱнинде Белоруссияныҥ президентине талдаштар ӧдӱп, окылу јаҥдар баштамы чотомолдорло јеҥӱни президент Александр Лукашенко алды деп окылу јарлаарда ла, удурлажу акциялар политический кызалаҥ кемине кӧчкӧн. Ороонныҥ талдаштар ӧткӱрер тӧс кӱреези ӱндерин Лукашенко учун 80,1 процент (4 миллион 661 муҥ 075 кижи), оппозицияныҥ бирлик кандидады Светлана Тихановская учун 10,1 процент (588 муҥ 622 кижи) берген деп угускандар. Оппозиция мындый кӧргӱзӱни фальсификация деп јартап, талдаштарда јеҥӱни Лукашенко эмес, а Тихоновская алган деп јарлагандар. Телекейди алзабыс, Белоруссияда талдаштар ӧдӧрдӧ лӧ, ороонныҥ талдаштар ӧткӱрер тӧс кӱреези талдаштардыҥ турултазын јарлагалакта да, Александр Лукашенконы ээчий јеҥӱзиле Китай, Россия, Азербайджан, Армения, Вьетнам, Казахстан, Киргизия, Молдавия, Никарагуа, Оман, Таджикистан, Турция, Узбекистан, Венесуэла, Сирия, Республика Абхазия ла Республика Южная Осетия уткыгандар. Александр Лукашенконы Беларуссияныҥ легитимный эмес президенти деп Европейский Союз, Великобритания, США, Франция, Германия, Дания, Канада, Латвия, Литва, Нидерланды, Норвегия. Польша, Словакия, Украина, Чехия, Швеция ла Эстония јарлагандар. Белоруссияда јаҥыдаҥ ӧскӧ ороондордыҥ наблюдательдери турушкан талдаштар ӧткӱрерине США, Австрия, Латвия, Литва, Люксембург, Нидерланды, Польша, Словения, Украина, Чехия ла Эстония кычыргандар.
Литература аайынча Нобелевский сыйдыҥ баштапкы беларусь ла алтынчы орус тилдӱ лауреады, совет ле белорус бичиичи, журналист, документ кептӱ кинолордыҥ сценаристи Светлана Алексиевич Россия Федерациязыныҥ Белоруссиядагы политический кызалаҥга јетиргедий камаанын "Не думаю, что Россия на стороне Лукашенко. Она на своей стороне. Народное движение застало Россию врасплох, она к этому не была готова. Но ей не нравится и нынешнее поведение Лукашенко, когда улицы наших городов напоминают плацдармы боевых действий. Россия будет искать другой вариант. Было бы хорошо, если бы вышел из тюрьмы Виктор Бабарико. Он и Павел Латушко – очень интересные фигуры. Я надеюсь, что мы не станем провинцией России, а сохраним независимое государство. Хотя Москва в любом случае будет играть в нашей жизни огромную роль" деп јартаган.

*****

Орооныстыҥ президенти Владимир Путин ӧткӧн неделеде "Россия 1" телеканалда ӧткӱрген куучынында Нагорный Карабахта болгон јуу-чак, јер блаажу аайынча "армянская сторона не признала независимость и суверенитет Нагорного Карабаха. Это значит, что, с точки зрения международного права, НКР и прилегающие к нему территории являются неотъемлемой частью территории Азербайджанской республики. Договор ОДКБ (Организация Договора о коллективной безопасности) предусматривает взаимную помощь в случае агрессии в отношении территории страны – участницы этого договора. Таким образом, Москва не должна была вовлекаться в прямое участие в боевых столкновениях, так как на территорию Армении никто не нападал" деп јарлаганы кайкамчылу угулды. Бу, бир јанынаҥ, Арменияныҥ президентин Никол Пашинянды корып алар деген тактикалык алтам болордоҥ айабас, је, экинчи јанынаҥ, Украинага Донецкий ле Луганский республикаларды табыштырар деген стратегиялык алтам болордоҥ айабас...

*****

Бир ай кайра Государственный Думаныҥ эзендеги талдаштарына јаҥныҥ партиязы "Единая Россия" бойын канайда тудунары ла кандый кандидаттар чыгарары эмди тургуза јарт јок деп бичиген болгом. Ӧткӧн неделеде айылга "Фонд общественного мнения" (мынаҥ ары ФОМ - ред.) деп адалган социологиялык фондтоҥ интервьюрер келип, ороондо ло республикада албаты-јонныҥ јадын-јӱрӱми, политикалык ла экономикалык айалгалар аайынча бир канча сурактарга каруулар алды. Ол тоодо Государственный Думага 2021 јылда болотон талдаштар аайынча Госдуманыҥ бӱгӱнги депутаттары Иван Белековтыҥ, Родион Букачаковтыҥ, республикада аргачылардыҥ табын корыыр уполномоченный Максим Карамаевтиҥ, кыйалтазы јок медицинский страхованиениҥ республикан фондыныҥ директоры Ольга Корчуганованыҥ, "Чой аймак" муниципал тӧзӧлмӧниҥ башчызы Михаил Маргачевтыҥ, "Шабалин аймак" муниципал тӧзӧлмӧниҥ башчызы Эрчим Сарбашевтиҥ ле "Солнечная энергия" ООО-ныҥ генеральный директоры Андрей Ялбаковтыҥ ады-јолдоры адалган списокло таныштырды.
"Единая Россияныҥ" келер јылдагы пландары аайынча "Ведомости" газет "цель партии на выборах в Госдуму в 2021 году – получить конституционное большинство, то есть больше 300 мандатов. <...> "Единая Россия" одномандатников поделили на депутатов "красной", "желтой" и "зеленой" зоны. В "красную зону" включили тех, кто имеет низкие шансы на переизбрание, там 75 действующих депутатов, в "зеленой зоне" оказался 71 депутат-одномандатник, в "желтой зоне" те, по чьей кандидатуре руководство партии еще не приняло решение. <...> Чтобы выигрывать кампанию в округе, нужно обладать качествами публичного политика, иметь достаточный уровень личной узнаваемости, хороший рейтинг. Это нужно не только, чтобы выиграть свою кампанию в округе, но и чтобы за счет личного рейтинга и ресурса поддержки поднимать рейтинг партии, чтобы списки получили больше голосов. <...> Региональный блок ЦИК партии и экспертный совет единороссов предложили разделить партийный список в 2021 году на 60 региональных групп. Большинство региональных групп будет формироваться по схеме один субъект Федерации – одна группа. Такой принцип в регионах, где будет достаточное число избирателей для прохождения по спискам (около 500 000 человек), дает стимул отделению партии работать для получения дополнительного депутата в Госдуме по списку" деп јетирет.
"Единая Россияны" кажы ла кижи канайда ла кӧрӧт, кезик кижилерге јаҥныҥ партиязы јарап јат, кезик кижилер јаҥныҥ партиязын кӧрӧр кӱӱни јок. Је бу ӧрӧлӧй берилген кандидаттардыҥ списогын кӧрзӧбис, "Единая Россия" Госдуманыҥ эзендеги талдаштарына алтай укту кандидат тургузарга турганы јарт сезилет. Јаан изӱ айдыҥ 1-чи кӱнинде Алтай Республикада ӱнбереечилердиҥ тоозы 161 муҥ 915 кижи болгон. Оныҥ учун республика канайып та албаданза, "Единая Россияныҥ" списогы аайынча таҥынаҥ региональный группа болор аргазы јок. Андый группа болорго ас ла салза, јарым миллион ӱнбереечилӱ болор керек.

С.Танытпасов

1 1 1 1 1 1 1 1 1 1 Рейтинг 5.00 (2 голосов)